VIGO FILM OFFICE
Vigo Film Office ( VFO) é un departamento da Fundación Vigo Convention Bureau, entidade sen ánimo de lucro, que ten como misión promocionar a cidade como escenario de rodaxe de producións audiovisuais, asistir ás produtoras e profesionais que elixan Vigo para realizar os seus traballos, apoiar ao sector audiovisual vigués e estimular o investimento e o desenvolvemento local.
FUNCIÓNS DA VFO
O noso labor céntrase en promocionar a cidade como estudio de rodaxe para calquera clase de produción audiovisual; así como en apoiar ás produtoras na tramitación de permisos de rodaxe, procura de localizacións e xestión de todo tipo de servizos que poidan necesitar durante a súa estancia en Vigo.
Todos estes servizos son completamente gratuítos.
Promoción de Vigo e a súa área de influencia como estudio para producións audiovisuais.
Asistencia na procura de localizacións municipais e información e contacto nas non municipais e empresas do sector.
Tramitación áxil e flexible dos permisos de rodaxe en localizacións municipais.
Intermediación entre as produtoras e os diferentes entes municipais.
Asesoramento sobre axudas, lexislación, rodaxes sostibles, etc.
Apoio ás empresas, profesionais e centros educativos audiovisuais locais.
Memoria das producións realizadas en Vigo e promoción na nosa páxina web e redes sociais.